30 bankın 28 milyard 169,7 milyon manatı var
Maliyyə Bazarlarına Nəzarət Palatası yeni hesabat yayıb. Novator.az bildirir ki, hesabata görə, 31 yanvar 2018-ci ilə Azərbaycanda fəaliyyət göstərən bankların cəmi aktivləri 28 milyard 169,7 milyon manat, cəmi öhdəlikləri 24 milyard 367,9 milyon manat olub.
Sektorun balans kapitalı 3 milyard 801,8 milyon manat, əhalinin əmanətləri 7 milyard 482,5 milyon manat göstərilir. Yanvar ayı ərzində bank sektorunun aktivləri 0,9%, öhdəlikləri 0,6%, kapitalı isə 2,5% artıb.
Fəaliyyət göstərən 30 bankın 511 filialı, 142 şöbəsi var.
Bütövlükdə bank sektorunun işçi heyəti 16 min 207 nəfər təşkil edib.
