Prezident yanğın ərazisində
AZƏRTAC prezident İlham Əliyevin Respublika Narkoloji Mərkəzinə baş çəkməsindən fotolar yayıb. Bakının Xətai rayonunda yerləşən Respublika Narkoloji Mərkəzində yanğın olub. Martın 2-si tezdən baş verən hadisədə 25 nəfərin həlak olduğu açıqlanıb.
Yanğın söndürüləndən sonra prezident hadisənin baş verdiyi ərazidə vəziyyətlə tanış olub, aidiyyəti qurumların rəhbərlərinin məlumatını dinləyib.
Dövlət başçısı hadisənin nəticələrinin tez bir zamanda aradan qaldırılması və yanğının səbəblərinin araşdırılması ilə bağlı təxirəsalınmaz tədbirlərin görülməsi ilə əlaqədar tapşırıqlar qoyub. O, Bakı Şəhər İcra Hakimiyyətinin başçısına və səhiyyə nazirinə həlak olanların ailə üzvlərinə kömək göstərilməsi və zərərçəkənlərə təcili olaraq lazımi tibbi yardım edilməsi ilə bağlı göstərişlər verib.
Hadisə barədə məlumatlar:
Bakıda yanğın
25 nəfər həlak olub
İlham Əliyev yanğın baş verən əraziyə gedib
Narkoloji Mərkəzdə yanğın: dövlət komissiyası yaradıldı
