Nazirlik 15 mindən çox müraciət alıb
Təhsil Nazirliyi fevral ayının müraciət və xidmət statistikasını açıqlayıb. Rəsmi hesabata görə, ötən ay vətəndaşlarla iş bölməsinə ümumilikdə 15 min 59 müraciət daxil olub. Telefon məlumat mərkəzində 11 min 137 zəng qəbul edilib, vətəndaşların qəbulu mərkəzində 3 min 922 vətəndaşa xidmət göstərilib.
1372 sənədin (738 məktub, 549 ərizə, 85 digər sənəd) qəbul olunduğu bildirilir.
Daxil olan müraciətlər daha çox tələbələrin yerli ali və orta ixtisas təhsili müəssisələrinə köçürülməsi və bərpası, ali təhsil sənədlərinin (diplomların) tanınması, ümumtəhsil məktəblərinin 1-ci siniflərinə qəbul ilə bağlı məsələləri əhatə edib.
