Moskvada ən ucuz ev neçəyədir?
Moskvada ən ucuz köhnə mənzilin qiyməti açıqlanıb. Novator.az bildirir ki, “Bon Ton” agentliyinin hesabatına əsasən, Rusiya paytaxtında 19 kvadratmetrlik birotaqlı köhnə mənzil (altımərtəbəli binada) 3,6 milyon rubla satılır (1 milyon rubl 30 min manata yaxındır).
Moskvada köhnə evin 1 kvadratmetrinə görə orta qiymətin 150-179 min rubl olduğu vurğulanır. Paytaxtda satışa çıxarılan birotaqlı 10 ən ucuz mənzilin qiyməti 3,6-4,5 milyon rubl arasında dəyişir.
Hesabata görə, Moskvada ən bahalı köhnə mənzilin qiyməti 3,58 milyard rubldur. Kreml yaxınlığındakı “Moskva” mehmanxanasının yuxarı mərtəbəsində yerləşən beş otaq (sahəsi 1,2 min kvadratmetr) bu qiymətə satışa çıxarılıb.
2018-ci ildə 2016-cı illə müqayisədə Moskvada yeni evlərin kvadratmetrinin orta qiyməti 30-40 min rubl aşağı düşüb.
Səidə Hüseynova
