“Kütləvi çıxarış” Sumqayıtda
Əmlak Məsələləri Dövlət Komitəsi martın 1-i Sumqayıt şəhərində “Kütləvi çıxarış” kampaniyası keçirib. Tədbir yeni yaşayış komplekslərini əhatə edib. 150 sakinə öz ünvanlarında çıxarışlar verilib. Digər sakinlərdən mənzillərinə dair çıxarışların verilməsi üçün ilkin mülkiyyət sənədləri qəbul edilib.
Hesabata görə, indiyədək Bakı şəhərinin müxtəlif rayonlarında, Gəncə, Sumqayıt, Xırdalan şəhərlərində yeni inşa edilmiş çoxmərtəbəli yaşayış komplekslərinin mənzil sahibləri üçün 20-dən çox belə çıxarış kampaniyası olub. Minlərlə vətəndaşa bilavasitə ünvanlarda qeydiyyat xidmətləri göstərilib.
