24 komanda üçün 371 milyon avro
UEFA-nın İcraiyyə Komitəsi 2020-ci il Avropa futbol çempionatının mükafat fondunu təsdiqləyib. Novator.az-ın məlumatına görə, final mərhələsinin mükafat fondu 371 milyon avrodur.
Final raunduna vəsiqə alan 24 komandanın hər birinə 9,25 milyon avro verilir.
Qrupda qələbə 1,5 milyon avro, heç-heçə 750 min avro mükafat gətirir.
1/8 finala çıxan komanda 2 milyon avro, dörddə bir finala adlayan komanda 3,25 milyon avro, yarımfinala yüksələn komanda 5 milyon avro götürür.
Finalın məğlubu 7 milyon avro, qalibi 10 milyon avro alır.
2020-ci ilin Avropa çempionatının final mərhələsi 12 şəhərdə, o cümlədən Azərbaycan paytaxtında keçiriləcək. Bakı Olimpiya Stadionu 3 qrup oyununa, 1 dörddə bir finala ev sahibliyi edəcək.
