Çempionat yenilikləri
Novator.az Avropanın aparıcı milli futbol çempionatlarında duruma nəzər salıb.
İngiltərə çempionatında 28 turdan sonra ehtiyatda bir oyunu olan “Mançester Siti” 72 xalla zirvədədir. “Mançester Yunayted” 59 xalla ikinci, “Liverpul” 57 xalla üçüncü pillədə qərar tutub.
İspaniya çempionatının lideri “Barselona” 25 turda 65 xal toplayıb. Onu 58 xalla “Atletiko” izləyir. Üçüncü yerdə gedən “Real”ın 51 xalı var.
Almaniya çempionatında hökmranlıq edən “Bavariya” 24 turda 60 xal götürüb. Bir oyun az keçirən Dortmund “Borussiya”sı və “Şalke” 40 xal yığıblar.
İtaliya çempionatında 26-cı tura bu gün yekun vurulacaq. Hərəyə 25 oyun keçirmiş “Napoli”nin 66, “Yuventus”un 65 xalı var. Üçüncü sırada qərar tutan “Latsio” 52 xal toplayıb.
Fransada 27 turda 71 xal yığan PSJ öndədir. “Monako” 57, “Marsel” 55 xal yığıb.
