Dişin evini nələr yıxır?
Meyvə çayı və ətirli su kimi turş içkilər dişlərin yeyilməsinə və diş minasının zədələnməsinə səbəb olur. Novator.az-ın məlumatına görə, Londonun Kral Kollecinin mütəxəssislərinın “British Dental Journal”da dərc etdirdikləri məqalədə belə deyilir.
Tədqiqatçılar bildirir ki, yemək arasında turş içki qəbulu dişlərin eroziya riskini artırır.
Alimlər tədqiqat üçün ağır diş xəstəliyi olan 300 adamın diyetinin analizini aparıblar. Onların qənaətinə görə, meyvə şirələri, çaylar, diyetik və tərkibində şəkəri çox olan içkilər (əsasən də bu mayeləri kiçik qurtumlarla qəbul etdikdə və ya ağızda saxladıqda) dişlərin yeyilməsinə gətirir.
Mütəxəssislər iddia edir ki, gündə 2 dəfə yemək arasında bir dilim limon atılmış su içənlər dişlərin güclü eroziyasına 11 dəfə çox məruz qalır. Mayeni yemək zamanı qəbul etməklə riski 2 dəfə azaltmaq olar.
Məqalə müəllifləri nahar vaxtı qəlyanaltı qismində alma yedikdə axşam saatlarında turş qida qəbul etməmək tövsiyəsi verir.
Axşam bir bakal çaxır içilərsə, səhər tezdən meyvə çayı içmək məsləhət deyil.
Mütəxəssislər qida rasionunda maye və qəlyanaltı qəbulunun balanslaşdırılmasını, həmçinin zərərli içkiləri çöplə içməyi məsləhət görür.
Səidə Hüseynova
