Naxçıvan iqtisadiyyatı 1 faiz irəli gedib
Naxçıvan Muxtar Respublikası Dövlət Statistika Komitəsindən AZƏRTAC-a verilən məlumata görə, 2018-ci ilin yanvar ayında bölgədə 163,4 milyon manatlıq ümumi daxili məhsul istehsal olunub, bu da 2017-ci ilin müvafiq dövrü ilə müqayisədə 1 faiz çoxdur. Bir nəfərə düşən ümumi daxili məhsulun həcmi 2017-ci ilin müvafiq dövrü ilə müqayisədə 3,3 faiz artaraq 360,7 manata çatıb.
Muxtar respublikada yaranan ümumi daxili məhsulun tərkibində ilk yeri sənaye tutur. Sənaye üzrə 89,9 milyon manat dəyərində məhsul istehsal edilib, bu da 2017-ci ilin müvafiq dövründəki göstəricini üstələyib.
Həmin dövrdə 7,9 milyon manatlıq kənd təsərrüfatı məhsulları istehsal edilib. Bu da 2017-ci ilin müvafiq dövrü ilə müqayisədə 9,5 faiz çoxdur.
