Məzənnə cədvəli
Mərkəzi Bank fevralın 22-də ABŞ dollarının (1,7001 manat) və Rusiya rublunun (0,03 manat) məzənnələrini dəyişməyib.
Novator.az-ın məlumatına görə, avronun rəsmi kursu 2,0865 manata salınıb.
Bahalaşan gürcü larisi banklara 0,69 manata, türk lirəsi 0,4475 manata təklif olunur (Tam siyahı).
Dolların indiki kursu 2017-ci il dekabrın 13-dən qüvvədədir.
2015-ci ildə dollar 0,7844 manatdan 1,5594 manata yüksəlib. 2016-cı ildə məzənnə 1,7707 manata qalxıb. 2017-ci ildə isə dollar 7,06 qəpik ucuzlaşıb.
Mərkəzi Bank 2017-ci il üzrə pul siyasəti icmalına görə, manatın ABŞ dollarına qarşı məzənnəsi 4% möhkəmlənib: “2017-ci ilin ikinci rübündən manatın məzənnəsi əlavə möhkəmlənmə təzyiqləri altında olub. İl ərzində valyuta bazarının ümumi həcmi ötən illə müqayisədə azalıb. Banklar 2016-cı ildə 445,4 milyon ABŞ dolları xalis valyuta satışı həyata keçirib, 2017-ci ildə rəqəm 26,5 milyon ABŞ dollarına düşüb.
2017-ci ildə makroiqtisadi və maliyyə sabitliyinin təmin olunmasına yönəlmiş kompleks tədbirlər, makroiqtisadi dayanıqlığın təmin edilməsi istiqamətində qəbul edilmiş qərarlar məzənnə rejiminin çevikliyinin daha da artırılmasına əlverişli zəmin yaradıb. Mərkəzi Bank ümumilikdə 99 valyuta hərracı keçirib. Dövr ərzində Dövlət Neft Fondunun xarici valyuta satışları 3 milyard 597,8 milyon ABŞ dolları təşkil edib, bu da 2016-cı illə müqayisədə 26,3% azdır”.
