Münhendə ağır yara
Türkiyənin “Beşiktaş” komandası UEFA Çempionlar Liqasında – 1/8 finalın ilk oyununda ağır yara alıb. Novator.az-ın məlumatına görə, İstanbul təmsilçisi fevralın 20-si Münhendə “Bavariya”nın qonağı olub. Matç Almaniya klubunun 5:0 hesablı qələbəsi ilə başa çatıb.
“Çelsi” (İngiltərə) – “Barselona” (İspaniya) görüşündə qalib müəyyən olunmayıb – 1:1.
Ötən həftə Portuqaliya səfərində “Portu” ilə üz-üzə gələn “Liverpul” (İngiltərə) meydan sahibini 5, İsveçrədə “Bazel”in qonağı olan “Mançester Siti” (İngiltərə) rəqibini 4 cavabsız topla məğlub edib, “Real” (İspaniya) – PSJ (Fransa) matçı 3:1, “Yuventus” (İtaliya) – “Tottenhem” (İngiltərə) görüşü 2:2 hesabı ilə başa çatıb.
1/8 finalın digər iki oyunu bu gün keçiriləcək:
“Sevilya” (İspaniya) – “Mançester Yunayted” (İngiltərə)
“Şaxtyor” (Ukrayna) – “Roma” (İtaliya).
