Dövlət Qulluğunu İdarəetmə Şurasına təyinatlar
Dövlət Qulluğunu İdarəetmə Şurasının üzvləri təyin edilib. Prezident İlham Əliyevin sərəncamı ilə şuraya bu şəxslər daxildir:
Ramiz Mehdiyev – Prezident Administrasiyasının rəhbəri
Zeynal Nağdəliyev – prezidentin ərazi-təşkilat məsələləri üzrə köməkçisi, şöbə müdiri
Süleyman İsmayılov – Prezident Administrasiyasının sənədlərlə və vətəndaşların müraciətləri ilə iş şöbəsinin müdiri
Şahin Əliyev – Prezident Administrasiyasının qanunvericilik və hüquq ekspertizası məsələləri şöbəsinin müdiri
Tələt Məcidov – Prezident Administrasiyasının dövlət qulluğu və kadr məsələləri şöbəsinin müdiri
Urxan Ələkbərov – Dövlət İdarəçilik Akademiyasının rektoru.
Novator.az bildirir ki, Dövlət Qulluğunu İdarəetmə Şurası “Dövlət qulluğu haqqında” qanunun tətbiqinə nəzarəti, dövlət qulluğunun normativ-metodiki təminatını, dövlət qulluqçuları kateqoriyasına aid edilən şəxslərin siyahısını müəyyən etməyi həyata keçirir. Şura 18 nəfər üzvdən ibarətdir. 6 üzvü prezident, 6 üzvü Milli Məclisin sədri, 6 üzvü Konstitusiya Məhkəməsinin sədri təyin edir. Şura dövlət orqanı deyil və onun üzvləri öz səlahiyyətlərini ictimai əsaslarla həyata keçirirlər.
