İki diplomata yeni vəzifələr verildi
Prezident İlham Əliyev iki diplomatik nümayəndəliyə rəhbərlər təyin edib. Novator.az-ın məlumatına görə, Rasim Şəmsəddin oğlu Rzayev İordaniyaya fövqəladə və səlahiyyətli səfir, Pərviz Cəfər oğlu İsmayılzadə Gürcüstanın Batumi şəhərinə baş konsul vəzifələrinə göndərilib.
Rasim Rzayev bu il yanvarın 29-dək Azərbaycanın Səudiyyə Ərəbistanında, eyni zamanda, Omanda, Yəməndə, Bəhreyndə fövqəladə və səlahiyyətli səfiri və İslam Əməkdaşlıq Təşkilatı yanında daimi nümayəndəsi olub. Həmin gün Pərviz İsmayılzadə Birləşmiş Ərəb Əmirliklərinin Dubay şəhərində baş konsul vəzifəsindən geri çağırılıb.
