Xaricə gedən məhsulun 88 faizə qədəri neft və qazdır
2018-ci ilin yanvar ayında Azərbaycanın ixracının 87,94 faizi neft-qaz sektoruna aid olub. Novator.az bildirir ki, ixracın 84,22 faizini xam neft, 1,53 faizini neft məhsulları, 2,19 faizini təbii qaz təşkil edib.
Dövlət Gömrük Komitəsinin hesabatına görə, ixracın 3,36 faizi meyvə-tərəvəzdir.
İdxalın 21,94 faizinin maşın, mexanizm, elektrik aparatları, avadanlıqlar və onların hissələri, 15,04 faizinin nəqliyyat vasitələri və onların hissələri olduğu bildirilir.
Yeyinti məhsulları ümumi həcmin 14,41 faizini təşkil edib.
Ümumi idxalın 9,68 faizi qara metallar və onlardan hazırlanan məmulatlar, 3,31 faizi plastmassa və ondan hazırlanan məmulatlar, 2,74 faizi oduncaq və ondan hazırlanan məmulatlar, 1,9 faizi əczaçılıq məhsulları 1,12 faizi tütün və tütün məmulatlarıdır.
