Milli çempionatlarda vəziyyət
Avropanın milli futbol çempionatlarında növbəti turlar keçirilib. Novator.az-ın məlumatına görə, İspaniya çempionatının lideri “Barselona” 24-cü turda xal sayını 62-yə çatdırıb. Onu 55 xalla “Atletiko” izləyir. “Valensiya”nın 46 xalı var. Bir oyun az keçirən “Real” 45 xal toplayıb.
Almaniya çempionatında zirvədə qərar tutan “Bavariya” 23 turda 59 xal qazanıb. Dortmund “Borussiya”sı 40 xalla ikinci pillədə gedir. “Bayer”in və ehtiyatda bir oyunu olan “Leypsiq”in 38 xalı var.
25 turdan sonra İtaliya çempionatında “Napoli” 66 xalla irəli çıxıb. “Yuventus” ondan bir xal geridə qalır. Üçüncü sırada qərar tutan “Roma”nın 50 xalı var. “İnter” 48 xal yığıb.
Fransada 26 turda 68 xal yığan PSJ öndədir. “Monako” 56 xal, “Marsel” 55 xal toplayıb.
İngiltərə çempionatında 27 turdan sonra “Mançester Siti” 72 xalla öndədir. Onu 56 xalla “Mançester Yunayted”, 54 xalla “Liverpul” təqib edir.
Ukrayna çempionatında “Şaxtyor”, Hollandiya çempionatında PSV, Portuqaliya çempionatında “Portu”, Türkiyə çempionatında “Başakşəhər” liderlik edir.
