Gömrük pozuntularının statistikası
Dövlət Gömrük Komitəsi 2018-ci ilin yanvar ayı üzrə hüquqpozmaların statistikasını açıqlayıb. Novator.az-ın məlumatına görə, hesabatda qeyd olunur ki, ötən ay gömrük orqanları 41 qaçaqmalçılıq faktı, narkotik vasitələrin və psixotrop maddələrin qanunsuz dövriyyəsi ilə əlaqədar 11 fakt, 21 digər cinayət xarakterli fakt qeydə alıb.
Ay ərzində gömrük hüquqpozmalarında 68 şəxs təqsirləndirilib. Dövlət Gömrük Komitəsi 598 inzibati xəta faktı ortaya çıxarıb.
2017-ci ildə 436 qaçaqmalçılıq faktı, narkotik vasitələrin və psixotrop maddələrin qanunsuz dövriyyəsi ilə əlaqədar 202 fakt, 4 gömrük ödənişindən yayınma, 84 aksiz markası olmadan mal idxal etmə faktı, 200 digər cinayət xarakterli fakt qeydə alınmış, gömrük hüquqpozmalarında 765 şəxs təqsirləndirilmişdi.
