Salyan forumunda yeni kreditlər
İqtisadiyyat Nazirliyinin Sahibkarlığa Kömək Milli Fondu fevralın 16-sı Salyan rayonunda işgüzar forum keçirib. Rəsmi məlumata görə, fondun icraçı direktoru Şirzad Abdullayev deyib ki, 2018-ci ildə sahibkarlıq subyektlərinə 18 milyon manat güzəştli kredit verilib.
Forum zamanı Salyan və ətraf rayonlardan sahibkarlıq subyektləri 343 min manat güzəştli kredit alıb. Kreditlər heyvandarlıq, əkinçilik və s. sahələrin inkişafına yönəldiləcəyi açıqlanıb. Qeyd edilib ki, bu kreditlər də daxil olmaqla Salyan rayonuna indiyədək 44 milyon manat güzəştli kredit ayrılıb.
