Rəsmi məzənnələr
Mərkəzi Bank fevralın 16-da bir çox valyutanı bahalaşdırıb. Novator.az-ın məlumatına görə, avronun rəsmi kursu 2,1335 manata yüksəlib.
Dəyər artıran ingilis funt sterlinqi banklara 2,4037, İsveçrə frankı 1,849, Küveyt dinarı 5,6833, Rusiya rublu 0,0302, türk lirəsi 0,4521 manata satılır.
Gürcü larisi ucuzlaşaraq 0,6904 manata düşüb.
ABŞ dollarının rəsmi kursu 1,7001 manat qalıb (Məzənnələr).
Dollar 2017-ci il dekabrın 13-dən 1,7001 manata təklif olunur. Bu, manatın devalvasiyaya uğradığı 2015-ci ildən bəri ən davamlı rəsmi məzənnədir.
2015-ci ildə dollar 0,7844 manatdan 1,5594 manata yüksəlib. 2016-cı ildə məzənnə 1,7707 manata qalxıb. 2017-ci ildə isə dollar 7,06 qəpik ucuzlaşıb.
Yeni hesabata görə, 2018-ci ilin yanvar ayında milli valyutanın 1 ABŞ dollarına nisbətdə orta məzənnəsi 1,7001 manata, 1 avroya nisbətdə 2,07 manata, 100 Rusiya rubluna nisbətdə 3 manata bərabər olub.
