Ödənişli xidmətlərin qiyməti necə dəyişib?
Dövlət Statistika Komitəsinin hesabatına əsasən, 2018-ci ilin yanvar ayında ictimai iaşə dövriyyəsi 2017-ci ilin müvafiq dövrü ilə müqayisədə real ifadədə 3,5 faiz artaraq 97,5 milyon manat olub.
Yanvar ayında əhaliyə göstərilən ödənişli xidmətlərin dəyəri 2017-ci ilin eyni dövrü ilə müqayisədə real ifadədə 1,3 faiz artaraq 737,5 milyon manata çatıb. Hər bir ölkə sakini orta hesabla 75,4 manatlıq və ya ötən ilin müvafiq dövrü ilə müqayisədə nominal ifadədə 3,1 manat çox müxtəlif ödənişli xidmətlərdən istifadə edib.
Novator.az bildirir ki, rəsmi hesabata görə, 2018-ci ilin yanvar ayında əhaliyə göstərilən ödənişli xidmətlər 2017-ci ilin dekabr ayına nisbətən 0,8 faiz ucuzlaşıb, 2017-ci ilin yanvar ayına nisbətən isə 3,9 faiz bahalaşıb.
