Ağcabədidə “Kütləvi çıxarış”
Əmlak Məsələləri Dövlət Komitəsi fevralın 16-sı Ağcabədi rayonunun Hindarx qəsəbəsində, habelə Kəhrizli, Sarıcalı, Poladlı, İmamqulu, Bayat kəndlərində “Kütləvi çıxarış” kampaniyası keçirib. Rəsmi məlumata görə, rayonun 150-yə yaxın sakininə qeydiyyatla bağlı xidmət göstərilib. 80-ə yaxın sakinə birbaşa yaşadıqları ərazilərdə əmlaklarına dair çıxarışlar təqdim olunub. Çıxarışlar əsasən fərdi yaşayış evlərini, pay torpaqlarını, həyətyanı, bələdiyyə torpaqlarını əhatə edib.
30-dan çox sakindən hüquq müəyyənedici sənədlər toplanıb. Bir neçə Qarabağ müharibəsi əlilinin birbaşa evlərində ilkin sənədlər qəbul edilib.
40-a yaxın sakinə isə hüquqi yardım xidmətləri göstərildiyi bildirilir.
