Prezident istefaya razılaşdı
Cənubi Afrika Respublikasının prezidenti Ceykob Zuma postunu tərk etdiyini açıqlayıb. Novator.az-ın məlumatına görə, istefa qərarı hakim Afrika Milli Konqresinin tələbi ilə qəbul edilib. Həftənin ilk günü Afrika Milli Konqresi postunu tərk etmək üçün prezidentə 48 saat vaxt vermişdi. İstefa tələbi prezidentin reytinqinin kəskin düşməsi ilə bağlıdır.
75 yaşlı Ceykob Zuma prezident postunu 2009-cu ildən tutur. O, fevralın 14-də xalqa müraciətində partiyanın rəyi ilə razılaşmadığını, amma qərara tabe olduğunu vurğulayıb.
Dövlət başçısı səlahiyyətləri vitse-prezident Siril Ramafosaya həvalə olunub.
