Necə yatmalı? Alimlərin məsləhətləri var
Tibb alimləri deyirlər ki, insanın necə yatması onun sağlamlığına təsir göstərir. Buna görə də alimlər bəzi tövsiyələr irəli sürüblər.
Novator.az-ın məlumatına görə, alimlərin tövsiyələri “Zeenews” internet nəşrində yayılıb.
Dünya əhalisinin üçdə ikisi bel ağrısından əziyyət çəkir. Ona görə də alimlər tövsiyələrin əsasən oturaq iş şəraitində çalışan insanlar üçün aktual olduğunu vurğulayırlar.
Yatanda necə uzanmağın qan dövriyyəsinə təsiri var. Buna görə də adamın necə yatması təkcə kürək nahiyəsindəki deyil, başqa xəstəliklərin də vəziyyətinə təsir göstərə bilər.
Həkimlər kürəkdə ağrı hiss etdikdə yanı üstə yatmağı, dizləri bir qədər büküb qolları qabağa uzatmağı məsləhət görürlər. Hansı yanı üstə yatmağın fərqi yoxdur.
Burun tutulması zamanı kürəyi üstə yatmaq mümkün olmadığından təbiblər yanı üstə yatmağı məsləhət görürlər. Belə vəziyyətdə başın altına bir neçə yastıq qoyulur ki, baş yuxarıda qalsın. Bu, nəfəs almanı yaxşılaşdırır.
Həkimlər aybaşı zamanı dizin altına yastıq qoymağı tövsiyə edirlər. Bu, bel ağrısını azaldır.
Boyun ağrısı zamanı isə arxası üstə yatmaq məsləhətdir. Boynu uzadıb başı düz vəziyyətdə qoymaq lazımdır.
Səidə Hüseynova
