Nazirliyə niyə əlavə vəsait verilir?
Əmək və Əhalinin Sosial Müdafiəsi Nazirliyinə 2018-ci ilin dövlət büdcəsindən 15 milyon 297 min 900 manat ayrılıb. Vəsait bir sıra sosial təyinatlı obyektlərdə tikinti və əsaslı təmir işlərinin başa çatdırılması üçün nəzərdə tutulur.
Novator.az həmin sosial obyektlərin siyahısını təqdim edir:
– Bakı Protez-Ortopedik Bərpa Mərkəzinin təmiri;
– Nizami rayonunda 12 mərtəbəli 96 mənzilli yaşayış binasının tikintisi;
– Naftalan Əlillərin Regional Bərpa Mərkəzinin bərpası, gücləndirilməsi və əsaslı təmiri;
– Yevlax Əlillərin Regional Bərpa Mərkəzinin bərpası, gücləndirilməsi və əsaslı təmiri;
– Sumqayıt Əlillərin Regional Bərpa Mərkəzinin bərpası, gücləndirilməsi və əsaslı təmiri;
– Bakı Uşaq Bərpa Mərkəzinin əsaslı təmiri;
– Gəncə Şəhər Pensiyaçıların Ərazi Sosial Xidmət Mərkəzinin təmiri və müasir avadanlıqla təchiz edilməsi;
– Mərdəkan Müalicə Pansionatının əsaslı təmiri.
