Məzənnələrin yönü fərqli
Mərkəzi Bank fevralın 14-də avronu 2,1043 manata, gürcü larisini 0,6955 manata qaldırıb.
Novator.az-ın məlumatına görə, ucuzlaşan türk lirəsi banklara 0,4468 manata təklif olunur.
ABŞ dolları (1,7001 manat) və Rusiya rublunun (0,0294 manat) məzənnələri isə sabit qalıb.
Dollar 2017-ci il dekabrın 13-dən 1,7001 manata təklif olunur. Bu, manatın devalvasiyaya uğradığı 2015-ci ildən bəri ən davamlı rəsmi məzənnədir.
2015-ci ildə dollar 0,7844 manatdan 1,5594 manata yüksəlib. 2016-cı ildə məzənnə 1,7707 manata qalxıb. 2017-ci ildə isə dollar 7,06 qəpik ucuzlaşıb.
