Ali Məhkəmənin sədri yenə hakim oldu
Parlamentin 13 fevral iclasında Ramiz Rzayevin yenidən Ali Məhkəmənin hakimi təyin olunması barədə prezident təqdimatına baxılıb. Deputatlar Ramiz Rzayevin yenidən hakim təyin olunmasına səs veriblər.
Novator.az bildirir ki, Ramiz Rzayev 1953-cü ildə anadan olub. Azərbaycan Dövlət Universitetinin hüquq fakültəsini bitirib. 1979-cu ildən prokurorluq orqanlarında çalışıb. 1995-ci ildən Azərbaycanın hərbi prokuroru, 2000-ci ildən baş prokurorun birinci müavini olub.
Ramiz Rzayev 2005-ci il aprelin 19-dan Ali Məhkəmənin sədridir.
Milli Məclisin 13 fevral iclasında Qasım Əliyevin Naxçıvan Muxtar Respublikası Ali Məhkəməsinin hakimi təyin edilməsi haqqında məsələ də müsbət həll olunub.
