15 bağça üçün 19 milyon 577 min manat ayrılıb
Dövlət başçısı İlham Əliyev əhalisi 306 mindən çox olan 15 şəhər və rayonda ümumilikdə 1230 yerlik 15 uşaq bağçasının tikintisinə (Siyahı) sərəncam verib. Novator.az-ın məlumatına görə, sərəncam 2018-ci ilin dövlət büdcəsindən Azərbaycan Respublikası Ərazilərinin Bərpası və Yenidən Qurulması üzrə Agentliyə 19 milyon 577 min manat ayrılmasını nəzərdə tutur.
Yevlax şəhərinin 31-ci məhəlləsində 60 yerlik uşaq bağçası, Tərtər şəhərində 100 yerlik uşaq bağçası, Bərdə şəhərində 100 yerlik uşaq bağçası, Gədəbəy rayonunun Miskinli kəndində 60 yerlik körpələr evi-uşaq bağçası, Zərdab rayonunun Gəlmə kəndində 60 yerlik körpələr evi-uşaq bağçası, Qəbələ şəhərində 1 nömrəli 120 yerlik körpələr evi-uşaq bağçası, Ağdaş şəhərində 8 nömrəli 80 yerlik uşaq bağçası, Saatlı rayonunun Cəfərxan kəndində 100 yerlik körpələr evi-uşaq bağçası, Tovuz rayonunun Qovlar şəhərində 100 yerlik körpələr evi-uşaq bağçası, Cəlilabad şəhərində 8 nömrəli 100 yerlik körpələr evi-uşaq bağçası, Astara rayonunun Səncərədi kəndində 60 yerlik uşaq bağçası, Biləsuvar rayonunun Xırmandalı kəndində 40 yerlik körpələr evi-uşaq bağçası, Lerik rayonunun Noda kəndində 50 yerlik uşaq bağçası, Qobustan şəhərində 2 nömrəli 100 yerlik uşaq bağçası, Şəmkir şəhərində 8 nömrəli 100 yerlik körpələr evi-uşaq bağçası tikmək planlaşdırılır.
