Prezident həmkarına başsağlığı verib
Prezident İlham Əliyev rusiyalı həmkarı Vladimir Putinə başsağlığı məktubu göndərib. Məktubda yazılır: “Hörmətli Vladimir Vladimiroviç, Moskva ətrafında baş vermiş və çoxsaylı insan tələfatına səbəb olmuş təyyarə qəzası barədə xəbər məni dərindən sarsıtdı. Sizə, həlak olanların doğmalarına və yaxınlarına, bütün Rusiya xalqına Azərbaycan xalqı adından və şəxsən öz adımdan dərin hüznlə başsağlığı verirəm”.
Novator.az bildirir ki, fevralın 11-də Moskvadan Orska uçan “An-148” sərnişin təyyarəsi Domodedovo hava limanından qalxandan az sonra qəzaya uğrayıb. Təyyarənin göyərtəsindəki bütün şəxslər – 65 sərnişin və 6 ekipaj üzvü həlak olub.
Qəzada həlak olanlardan biri Azərbaycan Respublikasının vətəndaşıdır. 1971-ci il təvəllüdlü Yevlax rayon sakini Qəhrəmanov Namiq İnayət oğlu həyatını itirib.
