Məzənnələr yuxarı üz tutub
Fevralın 12-də Mərkəzi Bank avronu, gürcü larisini, Rusiya rublunu və türk lirəsini bahalaşdırıb. Novator.az-ın məlumatına görə, avro banklara 2,0888 manata, lari 0,6996 manata, rubl 0,0293 manata, lirə 0,446 manata satılır.
ABŞ dollarının rəsmi kursu isə sabit qalıb: 1,7001 manat (Məzənnələr).
Dollar 2017-ci il dekabrın 13-dən 1,7001 manata təklif olunur. Bu, manatın devalvasiyaya uğradığı 2015-ci ildən bəri ən davamlı rəsmi məzənnədir.
2015-ci il fevralın 21-də dollar 0,7862 manatdan 1,05 manata yüksəlib. Dekabrın 21-nə təsadüf edən ikinci devalvasiyada rəsmi kurs 1,55 manat olub, il 1,5594 manatla başa çatıb.
2016-cı ildə məzənnə 1,7707 manata qalxıb. 2017-ci ildə isə dollar 7,06 qəpik ucuzlaşıb. İl ərzində ən aşağı qiymət 6-13 dekabr arası qeydə alınıb: 1,7 manat. Ən yuxarı rəsmi qiymət fevralda olub: 1,92 manat. Bu həm də ilk devalvasiyadan bəri qeydə alınan ən yüksək göstəricidir.
