Böyük beşlikdə kimlər liderlik edir?
Avropada milli futbol çempionatları davam edir. Novator.az-ın məlumatına görə, İngiltərə çempionatında 27 turdan sonra “Mançester Siti” 72 xalla öndədir. Onu 56 xalla “Mançester Yunayted”, 54 xalla “Liverpul” təqib edir. 52 xal toplayan “Tottenhem” dördüncü pillədə qərarlaşıb.
İspaniya çempionatının lideri “Barselona” 23 turda 59 xal yığıb. Onu 52 xalla “Atletiko” izləyir. “Valensiya”nın 43 xalı var. Bir oyun az keçirən “Real” 42 xal toplayıb.
Almaniya çempionatında zirvədə qərar tutan “Bavariya” 22 turda 56 xal qazanıb. İkinci pillədə gedən “Leypsiq”in 38 xalı var. Dortmund “Borussiya”sı 37 xalla üçüncü, “Ayntraxt” (Frankfurt) 36 xalla dördüncüdür.
24 turdan sonra İtaliya çempionatında “Napoli” 63 xalla irəli çıxıb. “Yuventus” ondan bir xal geridə qalır. Üçüncü sırada qərar tutan “İnter” 48 xal yığıb. “Roma”nın 47 xalı var.
Fransada 25 turda 65 xal yığan PSJ öndədir. “Monako” 53 xal, “Marsel” 52 xal, “Lion” 48 xal toplayıb.
