Prezident seçkisinin təqvimi
Mərkəzi Seçki Komissiyası 11 aprel prezident seçkisinin təqvim planını dərc edib. Novator.az-ın məlumatına görə, prezidentliyə namizədlərin irəli sürülməsi seçkinin təyin edilməsi haqqında qərar rəsmi dərc olunduqdan sonra başlamış sayılır. Namizədliyin irəli sürülməsinin təsdiq olunub-olunmaması barədə qərar sənədlərin MSK-ya təqdim edilməsindən sonra 5 gün müddətində çıxarılır. Bundan sonra namizədə imza vərəqələri verilir.
Namizədin qeydə alınması üçün zəruri olan seçki sənədlərinin Mərkəzi Seçki Komissiyasına təqdim edilməsi fevralın 20-dən martın 12-si saat 18-dək aparılır.
İmza vərəqələrində və təqdim edilən digər sənədlərdə olan məlumatların düzgünlüyünün yoxlanması və namizədin qeydə alınıb-alınmaması haqqında qərar sənədlər qəbul edildikdən sonra 7 gün müddətində verilir.
Qeydə alınmış namizədlərin siyahısı martın 22-dək dərc edilir. Seçkiqabağı təşviqat martın 19-u başlayır, aprelin 10-u səhər saat 8-də dayandırılır.
