Mənzil İnşaatı Dövlət Agentliyinin nizamnaməsi
Mənzil İnşaatı Dövlət Agentliyinin fəaliyyətinin təmin edilməsi ilə bağlı prezident fərmanı imzalanıb. Novator.az-ın məlumatına görə, qurumun nizamnaməsi təsdiq edilib. Agentliyin nizamnamə fondu 2018-ci ilin dövlət büdcəsi hesabına formalaşır və 100 milyon manatdır.
Mənzil İnşaatı Dövlət Agentliyi Azərbaycan vətəndaşlarının güzəştlə mənzil əldə etmələrinə (uyğun qiymətə mənzil təminatına) şərait yaratmaq üçün onun sərəncamına verilmiş torpaq sahələrində yaşayış binalarının və digər tikinti obyektlərinin tikintisini təşkil edən, yaşayış binalarının və digər tikinti obyektlərinin tikintisi üçün ayrılan maliyyə vəsaitlərindən təyinatı üzrə və səmərəli istifadə edilməsini təşkil və təmin edən, habelə bunlarla əlaqədar onun sərəncamına verilmiş torpaq sahələrində ərazi planlaşdırılması, layihələndirmə və memarlıq sahələrində siyasətin həyata keçirilməsində iştirak edən və fəaliyyəti əlaqələndirən publik hüquqi şəxsdir.
Agentliyi İdarə Heyəti idarə edir. İdarə Heyətinin tərkibi üç nəfərdən – prezidentin vəzifəyə təyin və vəzifədən azad etdiyi İdarə Heyəti sədrindən və onun iki müavinindən ibarətdir.
Agentliyin fəaliyyətinə nəzarəti prezident həyata keçirir, illik hesabat ona təqdim edilir.
