Hakim partiya qərar verir
Fevralın 8-i Bakıdakı Heydər Əliyev Mərkəzində Yeni Azərbaycan Partiyasının VI qurultayı keçirilir. Partiyanın sədri, prezident İlham Əliyevin nitqi ilə açılan qurultayda əsas məsələ Yeni Azərbaycan Partiyasının aprelin 11-nə təyin olunmuş prezident seçkisinə namizəd verməsidir. Anonslarda prezident İlham Əliyevin adı keçib.
Novator.az bildirir ki, Yeni Azərbaycan Partiyası 1992-ci il noyabrın 21-i Naxçıvan şəhərində Heydər Əliyevin sədrliyi ilə təsis olunub. 1992-ci il dekabr ayının 18-də Ədliyyə Nazirliyində qeydiyyata alınıb.
Heydər Əliyev 1999-cu il dekabr ayının 20-21-də keçirilən I qurultayda, 2001-ci il noyabr ayının 21-də keçirilən II qurultayda yenidən sədr seçilib.
Yeni Azərbaycan Partiyasının 2005-ci ilin mart ayının 26-da keçirilən III qurultayında sədr postuna İlham Əliyev gətirilib.
2 avqust 2008-ci ildə YAP-ın IV qurultayı, 7 iyun 2013-cü ildə V qurultayı keçirilib, lider dəyişməz qalıb.
Hazırda partiyanın 710 min 314 nəfər üzvü var.
