Müraciət hesabatı
Təhsil Nazirliyi yanvar ayı üzrə müraciət hesabatı yayıb. Bildirilir ki, nazirliyin vətəndaşlarla iş bölməsinə ötən ay 12 min 931 müraciət daxil olub, telefon məlumat mərkəzində 9 min 970 zəng qəbul edilib.
Hesabata görə, vətəndaşların qəbulu mərkəzində 2 min 961 vətəndaşa xidmət göstərilib, 1291 sənəd (639 məktub, 479 ərizə, 173 digər sənəd) qəbul olunub və qeydiyyata alınıb.
Müraciətlər daha çox ali təhsil sənədlərinin (diplomların) tanınması, tələbələrin yerli ali təhsil müəssisələrinə köçürülməsi və bərpası, müəllimlərin işə qəbulu, şagirdlərin bir məktəbdən digərinə köçürülməsi ilə bağlı məsələləri əhatə edib.
