Özbəkistanın baş çekisti postundan getdi
Özbəkistan Milli Təhlükəsizlik Xidmətinin sədri general-polkovnik Rüstəm İnayətov 23 ildir tutduğu vəzifədən çıxarılıb. Novator.az-ın məlumatına görə, Rüstəm İnayətovun işdən götürüldüyü Baş Prokurorluğun və Milli Təhlükəsizlik Xidmətinin yanvarın 31-də prezident Şövkət Mirziyayevin sədrliyi keçirilən iclasında bəyan olunub.
Rüstəm İnayətov 1944-cü il iyunun 22-də doğulub. 1968-ci ilə Daşkənd Dövlət Universitetinin İran filologiyası fakültəsini bitirib.
Hərbi xidmət keçərkən Dövlət Təhlükəsizlik Komitəsi sıralarına daxil olub. 1976-1981-ci illərdə Əfqanıstandakı DTK rezidenturasının əməkdaşı olub.
Rüstəm İnayətov Milli Təhlükəsizlik Xidmətinin sədri postunu 1995-ci ilin iyunundan tuturdu.
