Orduda yeni tədris dövrü
Azərbaycan Ordusunun qoşun növ və qisimlərinin birlik, birləşmə və hərbi hissələrində yeni tədris dövrü başlayıb. Mod.gov.az-ın 30 yanvar məlumatına görə, bütün hərbi hissələrdə mitinqlər təşkil edilib, tədris dövrü üçün əsas məqsədlər və vəzifələr, eləcə də onların icra qaydaları diqqətə çatdırılıb.
Orduda tədris prosesi döyüş hazırlığı səviyyəsinin yüksəldilməsi məqsədilə quruda, dənizdə, havada real təhdid və risklərin nəzərə alınması ilə təşkil edilərək keçiriləcək. Dərslərin ilk günü bütün hərbi hissələrdə yüksək döyüş hazırlığı üzrə məşqlər keçirilib.
