Büdcə şəffaflığı: Azərbaycan Gürcüstandan 48 bal geri qalır
Beynəlxalq Büdcə Tərəfdaşlığı 2017-ci il üzrə Açıq Büdcə İndeksini açıqlayıb. Novator.az-ın məlumatına görə, reytinq 100 baldan 0 bala (ən şəffaf büdcədən ən qapalı büdcəyə) prinsipi ilə tərtib olunub.
İndeksə 89 balla Yeni Zelandiya və Cənubi Afrika Respublikası başçılıq edirlər. İsveçin balı 87, Norveçin balı 85-dir.
Gürcüstan 82 balla qiymətləndirilib.
Açıq Büdcə İndeksində Rusiya 72 bal, Türkiyə və Moldova 58 bal, Qırğızıstan 55 bal, Ukrayna 54 bal, Qazaxıstan 53 bal alıb.
Azərbaycan reytinq cədvəlində 34 balla göstərilib. Tacikistana 30 bal verilib.
Siyahını 0 balla Niger, Venesuela, Ekvatorial Qvineya, Lesoto, Qətər və Yəmən qapayır.
Beynəlxalq Büdcə Əməkdaşlığı 20 ilə yaxındır fəaliyyət göstərir. Qurumun missiyası büdcə təhlili aparmaq, hökumətin effektivliyini artırmaq və yoxsulluğun səviyyəsini azaltmaq üçün vətəndaş cəmiyyəti institutları ilə əməkdaşlıqdır.
