“Avto FM” ölkə boyu yayılacaq
“Avto FM” radiosu ölkə boyu yayıla biləcək. Novator.az xəbər verir ki, Milli Teleradio Şurasının yanvarın 30-da keçirilən iclasında bununla bağlı qərar qəbul olunub. Şura “Avto FM”in ölkə ərazisində geniş miqyaslı yayımının təmin olunması üçün yeni tezliklər ayırıb və radionun “Azerspace-1” peykindən yayımına icazə verib.
İclasda Azərbaycan prezidentinin özəl ümumölkə teleradio yayımçılarının “Azerspace-1” peyki və digər vasitələrlə yayım həyata keçirməsinə əlavə dəstək verilməsi məqsədilə bu il yanvarın 18-də ayırdığı 3 milyon manatın beş yayımçı arasında bölüşdürülməsini də qərara alıb. Həmin yayımçılar bunlardır: “Lider” TV, “Xəzər” TV, ATV, ARB TV və “Space” TV. Onların hər birinə 600 min manat veriləcək.
