30 yanvar hərracında nələr oldu?
Əmlak Məsələləri Dövlət Komitəsinin 30 yanvar hərracı rəqabətli keçib. Rəsmi məlumata görə, hərracda 22 dövlət əmlakının özəlləşdirilməsinə 44 sifariş verilib. 9 əmlakın start qiyməti 47 min 300 manatdan 61 min 700 manata yüksəlib.
11 nəfərin sifariş verdiyi “Nissan Sunny” markalı avtomobilin start qiyməti 2 min 300 manat olub, sonda maşın 8 min 700 manata özəlləşdirilib.
“Cherry Eastar” nəqliyyat vasitəsi (start qiyməti 1600 manat) 5350 manata sahibini tapıb.
“Nissan Maxima” markalı avtomobil (start qiyməti 2 min 600 manat) 5 min 300 manata özəlləşdirilib.
Özəlləşdirilən kiçik dövlət müəssisəsi 47 saylı mağazadır. Yevlax şəhərində yerləşən əmlakın ümumi faydalı sahəsi 70 kvadratmetrdir.
