Nazir ön xətdə
Müdafiə naziri Zakir Həsənov cəbhə zonasında yerləşən hərbi hissələrə baş çəkib. Mod.gov.az-ın 29 yanvar məlumatına görə, ön xətt bölmələrində olan nazir üzbəüz yerləşən düşmən mövqelərini müşahidə edib.
Döyüş növbəsi çəkən şəxsi heyətlə görüşən nazirə əməliyyat şəraiti barədə məruzələr edilib. Bildirilib ki, bölmələr içməli su, istiliklə, yuyunma otaqları, isti yataq və digər lazımi qış ləvazimatları ilə tam təmin olunub.
Cəbhə bölgəsində yeni inşa edilən bölmələrdən birinin açılışını edən müdafiə naziri burada yaradılmış şəraitlə tanış olub, şəxsi heyətlə söhbət aparıb və nahar edib.
