1 nömrəli posta 14 nəfər iddia edir
Yanvarın 26-na olan məlumata əsasən, Rusiyada martın 18-də keçiriləcək prezident seçkisinə qatılanların sayı 14-ə düşüb. Onların 12-si partiyadan namizəd verilib, 2-si müstəqil iddiaçıdır.
Novator.az bildirir ki, Mərkəzi Seçki Komissiyasına müraciət müddəti yanvarın 12-də bitib. Həmin gün prezidentliyə iddiaçıların sayı 35 idi.
Qeydiyyat üçün müstəqil namizəd 300 min imza (federasiyanın bir subyektindən 7 min 500 imzadan çox olmayaraq), partiyalı namizəd 100 min imza (federasiyanın bir subyektindən 2 min 500 imzadan çox olmayaraq) toplamalıdır.
Parlamentdə təmsil olunan partiyanın namizədi imza yığmaqdan azaddır. Rusiya Kommunist Partiyasının prezidentliyə bitərəf namizədi Pavel Qrudinin və Liberal Demokrat Partiyasının namizədi, Dövlət Dumasının sədr müavini Vladimir Jirinovski bu üsulla qeydiyyatdan keçib.
Prezident Vladimir Putin seçkiyə müstəqil namizəd kimi qatılıb.
