Ötən ilin fövqəladə halları
Fövqəladə Hallar Nazirliyinin yeni hesabatına görə, 2017-cı ildə 13170 təbii və texnogen mənşəli hadisə baş verib, bu da 2016-cı illə müqayisədə 9% çoxdur. Hadisələr nəticəsində 72 nəfər həlak olub, 334 nəfər xəsarət alıb.
Hesabata əsasən, yanğınların aradan qaldırılması üçün daxil olmuş müxtəlif çağırışlar üzrə 12911 çıxış edilib. Yanğın hadisələri zamanı 51 nəfər həlak olub, 225 nəfər xəsarət alıb, bu da ötən ilin müvafiq dövrü ilə müqayisədə həlak olanlar üzrə 6% az, xəsarət alanlar üzrə 54% çoxdur.
2017-ci ildə 84 partlayış hadisəsi baş verib, bu da 2016-cı il ilə müqayisədə 16 hadisə və ya 24% çoxdur. Partlayışlar zamanı 17 nəfər həlak olub, 87 nəfər xəsarət alıb.
