İnsan Azadlığı İndeksində Azərbaycanın yeri
Yanvarın 25-də İnsan Azadlığı İndeksi açıqlanıb. Novator.az-ın məlumatına görə, Katon İnstitutu (ABŞ), Freyzer İnstitutu (Kanada), Fridrix Naumann Fondunun (Almaniya) birgə dərc etdiyi hesabatda 159 ölkə fərdi, mülki və iqtisadi azadlıqlar baxımından təhlil olunub.
Azərbaycan reytinq sıralamasında 128-cidir.
İlk onluqda İsveçrə, Honkonq, Yeni Zelandiya, İrlandiya, Avstraliya, Finlandiya, Norveç, Danimarka, Niderland və Böyük Britaniya dayanır.
Estoniya 13-cü, Litva 18-ci, Latviya 24-cü, Gürcüstan 40-cı, Ermənistan 54-cü, Qazaxıstan 76-cı, Moldova 83-cü, Türkiyə 84-cü, Qırğızıstan 102-ci, Tacikistan 118-ci, Rusiya 126-cı, İran 154-cü yeri tutur.
Siyahını Liviya, Venesuela və Suriya qapayır.
