Bir ildə 149 minə yaxın vergi ödəyicisi qeydiyyata alınıb
Vergilər Nazirliyi vergi ödəyicilərinə göstərilmiş xidmətlər haqqında hesabat yayıb. Hesabata görə, 2017-ci ildə Çağrı Mərkəzinin əməkdaşları canlı əlaqə zamanı daxil olmuş 312 min 450 zəngi cavablandırıb. Vergi ödəyicilərinin məlumatlandırılması məqsədilə onlara 2 milyon 472 min 882 SMS göndərilib. Vergilər Nazirliyinin rəsmi internet səhifəsinə 5 milyon 211 min 125 daxilolma qeydə alınıb.
Vergi ödəyicilərinə xidmət strukturlarında 486 min 318 vətəndaş qəbul edilib, onlara 744 min 149 sayda xidmət göstərilib.
İl ərzində 148 min 990 vergi ödəyicisi (11 min 860 hüquqi şəxs, 137 min 130 fiziki şəxs), 31 min 782 təsərrüfat subyekti (obyekti) qeydiyyata alınıb.
