Millətlər Liqasının püşkü
Yanvarın 24-ü İsveçrənin Lozanna şəhərində UEFA Millətlər Liqasının qrup mərhələsinin püşkü atılıb. Novator.az nəticələri təqdim edir.
A divizionu – 1-ci qrup: Almaniya, Fransa, Hollandiya. 2-ci qrup: Belçika, İsveçrə, İslandiya. 3-cü qrup: Portuqaliya, İtaliya, Polşa. 4-cü qrup: İspaniya, İngiltərə, Xorvatiya.
B divizionu – 1-ci qrup: Slovakiya, Ukrayna, Çexiya. 2-ci qrup: Rusiya, İsveç, Türkiyə. 3-cü qrup: Avstriya, Bosniya, Şimali İrlandiya. 4-cü qrup: Uels, İrlandiya, Danimarka.
C divizionu – 1-ci qrup: Şotlandiya, Albaniya, İsrail. 2-ci qrup: Macarıstan, Yunanıstan, Finlandiya, Estoniya. 3-cü qrup: Sloveniya, Norveç, Bolqarıstan, Kipr. 4-cü qrup: Rumıniya, Serbiya, Monteneqro, Litva.
D divizionu – 1-ci qrup: Gürcüstan, Latviya, Qazaxıstan, Andorra. 2-ci qrup: Belarus, Lüksemburq, Moldova, San Marino. 3-cü qrup: Azərbaycan, Farer adaları, Malta, Kosovo. 4-cü qrup: Makedoniya, Ermənistan, Lixtenşteyn, Cəbəllütariq.
Novator.az bildirir ki, bu ilin sentyabrından start götürəcək Millətlər Liqasının reqlamentinə görə, iki dövrədən ibarət qrup turniri noyabr ayında bitir.
A divizionundakı dörd qrup qalibi 2019-cu ilin iyununda keçiriləcək final mərhələsinə vəsiqə qazanır. Bu raund yarımfinallar, üçüncü yer uğrunda oyun və finaldan ibarətdir.
B, C və D divizionlarının qrup qalibləri yuxarı diviziona çıxır, A, B və C divizionlarının qruplarında sonuncu olanlar aşağı diviziona düşür.
Millətlər Liqası 2020-ci ilin Avropa futbol çempionatının final mərhələsinə hər diviziondan bir komanda olmaqla dörd vəsiqə verir. Bunun üçün divizionlardakı qrup qalibləri arasında yarımfinal və final matçları keçirilir.
Qrup qalibi Avropa çempionatına həmin turnirin özünün seçmə mərhələsindən düşəndə onu Millətlər Liqasının növbəti ən yaxşı komandası əvəzləyir.
