Mərkəzi Bank valyutaları bahalaşdırıb
Yanvarın 24-də avronun rəsmi məzənnəsi 2,0948 manata qalxıb.
Novator.az-ın məlumatına görə, Mərkəzi Bank gürcü larisi, Rusiya rublu və türk lirəsini də bahalaşdırıb. Lari banklara 0,676 manata, rubl 0,0302 manata, lirə 0,4514 manata satılır.
Dəyər artıran ingilis funt sterlinqi 2,3852 manata, İsveçrə frankı 1,7804 manata, Küveyt dinarı 5,6645 manata təklif olunur (Məzənnələr).
ABŞ dolları isə yenə 1,7001 manat səviyyəsində qalıb. Bu qiymət 2017-ci il dekabrın 13-dən qüvvədədir və manatın devalvasiyaya uğradığı 21 fevral 2015-ci ildən bəri ən davamlı rəsmi məzənnədir.
2015-ci il fevralın 20-də dollar banklara 0,7862 manata satılıb. Bir gün sonra Mərkəzi Bank kəskin kurs dəyişikliyinə qərar verib və rəsmi qiymət 1,05 manata yüksəlib. Həmin il dekabrın 21-də ikinci devalvasiya baş verib, rəsmi kurs 1,55 manata qalxıb.
2016-cı ildə kurs 1,7707 manatadək qalxıb, ötən il isə dollar 7,06 qəpik ucuzlaşıb.
