Kiyev Ukraynada maaş lideridir
2017-ci ildə Ukrayna paytaxtı Kiyevdə orta aylıq əməkhaqqı 11 min 643 qrivna (687 manat) olub. Bu, ölkə üzrə ən yüksək göstəricidir.
Novator.az-ın məlumatına görə, Dövlət Məşğulluq Xidməti Kiyev, Dnepropetrovsk, Zaporojye , Poltava vilayətlərində orta aylıq əməkhaqqını 7 min 400 qrivna (437 manat) göstərir.
Hesabata əsasən, hazırda Ukraynada ən aşağı maaş tibb bacılarına, həkimlərə və tərbiyəçilərə verilir. Onların orta aylıq əməkhaqqı 3 min 700 qrivnadır (218 manat).
Novator.az bildirir ki, rəsmi hesabata görə, 2017-ci il dekabrın 1-nə Azərbaycanda muzdla çalışan işçilərin orta aylıq nominal əməkhaqqı 525 manat olub.
Ötən il noyabrın 1-nə Bakıda orta aylıq nominal əməkhaqqı 782,9 manata çatıb.
