Federal Ehtiyat Sisteminə yeni rəhbər gəlir
ABŞ Senatı prezident yanvarın 23-də Donald Trampın təqdimatına baxaraq Cerom Pauelli Federal Ehtiyat Sisteminin (FES) rəhbəri vəzifəsinə təsdiqləyib. Cerom Pauell rəhbər vəzifəsində Canet Yelleni əvəzləyəcək. Canet Yellenin səlahiyyət müddəti fevral ayında başa çatır.
Novator.az-ın məlumatına görə, 1953-cü ildə doğulmuş Cerom Pauell Priston və Corctaun universitetlərinin məzunudur. 1992-1993-cü illərdə maliyyə nazirinin müavini vəzifəsində çalışıb. 2012-ci ildən FES-in İdarə Heyətinin üzvüdür.
Federal Ehtiyat Sistemi ABŞ-ın mərkəzi bankıdır. Ötən il dekabrın 13-də FES uçot dərəcəsinin yuxarı həddini 1,5%-ə qaldırıb. Bu, 2017-ci ildə üçüncü artım olub. Martın 15-də uçot dərəcəsinin yuxarı həddi 1%-ə, iyunun 14-də 1,25%-ə yüksəlmişdi.
Uçot dərəcəsi kommersiya banklarına verilən borclar üzrə faiz dərəcəsidir. FES 2016-cı il dekabrın 14-də uçot dərəcəsinin 0,25% artırılması barədə qərar çıxarmış, yuxarı hədd 0,75%-ə çatmışdı.
2015-ci il dekabrın 16-da isə uçot dərəcəsinin yuxarı həddi 0,25%-dən 0,5%-ə qalxmış, bu, digər valyutalara, o sıradan Azərbaycan manatına təzyiqi artırmış, dollar birdən-birə 50 qəpik bahalaşmışdı.
