Cəbhədə yoxlama
Yanvarın 24-də Müdafiə Nazirliyi rəsmi məlumat yayıb. Qeyd olunur ki, prezidentin hüquq mühafizə orqanları ilə iş və hərbi məsələlər üzrə köməkçisi Fuad Ələsgərov və müdafiə naziri general-polkovnik Zakir Həsənov cəbhə boyu zonada yerləşən hərbi hissələrə baş çəkiblər.
Səfər zamanı qoşunların döyüş hazırlığının vəziyyəti, şəxsi heyətin xidməti və sosial-məişət şəraiti yoxlanıb, eləcə də hərbi qulluqçularla söhbətlər aparılıb, birgə nahar təşkil olunub.
