Məzənnələr hara istiqamət alıb?
Mərkəzi Bank yanvarın 23-də bir çox valyutanı bahalaşdırıb. Novator.az-ın məlumatına görə, avronun rəsmi kursu 2,0842 manata yüksəlib.
Dəyər artıran gürcü larisi banklara 0,6733 manata, Rusiya rublu 0,0301 manata, türk lirəsi 0,4493 manata satılır.
ABŞ dolları isə yenə 1,7001 manata təklif olunur. Bu qiymət 2017-ci il dekabrın 13-dən qüvvədədir və manatın devalvasiyaya uğradığı 21 fevral 2015-ci ildən bəri ən davamlı rəsmi məzənnədir.
2015-ci il fevralın 20-də dollar banklara 0,7862 manata satılıb. Bir gün sonra Mərkəzi Bank kəskin kurs dəyişikliyinə qərar verib və rəsmi qiymət 1,05 manata yüksəlib. Həmin il dekabrın 21-də ikinci devalvasiya baş verib, rəsmi kurs 1,55 manata qalxıb.
2016-cı ildə kurs 1,7707 manatadək qalxıb, ötən il isə dollar 7,06 qəpik ucuzlaşıb.
