Azərbaycan, Gürcüstan və başqaları
Bu il mayın 8-12-də Portuqaliyanın paytaxtı Lissabonda keçiriləcək “Avroviziya” mahnı müsabiqəsinə 43 ölkə qatılacaq. Azərbaycanı bu beynəlxalq mahnı yarışında Aysel Məmmədova təmsil edəcək.
Aysel Məmmədova 1989-cu ildə Bakı şəhərində anadan olub. Bülbül adına Orta İxtisas Musiqi Məktəbini və Üzeyir Hacıbəyli adına Bakı Musiqi Akademiyasını bitirib. Pianoçu, vokalist və bəstəkardır.
Novator.az bildirir ki, bu ölkələrin də təmsilçiləri bəllidir:
Albaniya – Yevqent Buşpepa
Avstraliya – Cessika Mauboy
Avstriya – Sezar Sempson
Belçika – Laura Qruseneken
Finlandiya – Saara Aalto
Gürcüstan – “İriao” qrupu
Niderland – Ueylon (Villem Beykerk).
Azərbaycan Avropa Yayım Birliyinin 1956-cı ildən keçirdiyi “Avroviziya” musiqi yarışına 2008-ci ildən qatılır. 2008-ci ildə Elnur Hüseynov və Samir Cavadzadə 8-ci yerdə, 2009-cu ildə Aysel Teymurzadə və Araş 3-cü yerdə, 2010-cu ildə Səfurə Əlizadə 5-ci yerdə, 2011-ci ildə Nigar Camal və Eldar Qasımov 1-ci yerdə, 2012-ci ildə Səbinə Babayeva 4-cü yerdə, 2013-cü ildə Fərid Məmmədov 2-ci yerdə qərarlaşıb.
2014-cü ildə təmsilçi Dilarə Kazımova 22-ci yeri, 2015-ci ildə Elnur Hüseynov 12-ci yeri, 2016-cı ildə Səmra Rəhimli 17-ci yeri, 2017-ci ildə Diana Hacıyeva 14-cü yeri tutub.
